Plantun de Prouvènço

Pèr coumpara dos planto d'encò nostre

Centaurea scabiosa & Campanula rotundifolia subsp. rotundifolia

Escabiouso

Centaurea scabiosa

Asteraceae Compositae

Àutri noum : Sauto-lèbre, Marsourau, Cap-d'ase, Auriho-d'ase.

Nom en français : Centaurée scabieuse.

Descripcioun :
L'escabiouso es uno planto de colo coumuno, aleva pèr la Prouvènço séusouso, que trachis sus cauquié, dins li roucaio, ermas e tepiero. Pòu agué de coulour que van de roso à poupro. Se recounèis i bratèio (fotò) de si gròssi flour.

Usanço :
L'escabiouso servié à l'age-mejan à sougna li blessaduro (poumado). Li grano e li racino soun vulneràri, tounico, diuretico e fan susa.

Port : Grando erbo
Taio : 20 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Centaurea
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Colo - Basso mountagno
Estànci : Subremediterran à Subaupen
Couroulougi : Pancaro entresigna
Ref. sc. : Centaurea scabiosa L., 1753

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.